【於是男孩變成了男人，男人再變成佬】
如果女人係水做，男人就係酒。
男孩似甜味汽酒清新爽脆，係輕口味清新之選，價格大眾化卻欠缺內涵同歷史，而且味道一致，好難得到有經歷女人嘅歡心。成熟男人似Whisky， 有麥芽香甜氣息亦有濃濃嘅泥煤味，代表有著唔同故事嘅男人各有味道，更受女性歡迎。
成日話女仔嘅腦袋比同年男仔發育得快，我覺得係真嘅。好多時，男孩同男人嘅差距唔一定同年齡相關，有啲男孩意外早熟，但係就有更多”熟男”係男人其外、男孩其中。
雖然只係一字之差，但係“能否令人放心”就係一個男孩同男人嘅最大差別。
男孩鐘意飲酒，有事無事都想飮，甚至會飮到醉醺醺；
男人鐘意飮酒，只會喺需要嘅場合同氣氛先會飲。
男孩遇到困難嘅時候會手足無措；
男人遇到困難嘅時候只會努力默默解決。
男孩喜歡昂貴華而不實，同奢侈嘅生活；
男人只喜歡有質量同有品味嘅嘢，而且對自己好節儉，對別人同心愛嘅人就好大方。
男孩自認為佢對你好，亦講得漂亮；
男人永遠認為自己得唔夠好。
其實成長並無速成訣竅，所以如果你發現對方仍未長大唔夠承擔感，又未必要立即選擇離開呢段關係。當然如果兩個人都有自覺，互相扶持一起成長都係件浪漫嘅事。但係如果對方嘅唔成熟消耗你能量，終日承諾大於行動嘅話，咁放手亦可能係對雙方比較正面嘅選擇。當然男人同女人一樣，如果自己放棄治療，譲自己放鬆老去，咁威士忌都變成珠江橋牌: 有佬味！
不過講開飮酒，我都係呢幾年我先開始飲Whisky。好多人覺得飲Whisky係成熟、怎至係男人先會飲，又抱住烈酒一定難入口既刻板印象，其實呢個係對Whisky大大嘅誤解，亦係好多人唔肯踏出第一步去飲Whisky既原因。其實威士忌好平易近人，可以on the rock (加冰)或者neat(唔加冰)。喺在日本，就流行好似水割(Mizuwari)又或者Highball嘅喝法。我自己公司枱頭就長期擺咗支Lagavulin 16，開心請同事飲一杯大壓力自己飲一杯。你肯飲既啤酒、紅酒，點解唔試下威士忌？
今次 Unusual Malts 就推出咗初心者版本威士忌品酒禮盒，可以一次過試晒來自5大產區嘅Whisky，送禮自用都正，希望今個聖誕你好似我一樣被威士忌嘅香味感動！
產品詳情:
• 禮盒 x 1
• 精選單一麥芽威士忌(30ml) x 5
• 品酒導飲小冊子 x 1
• 紙袋 x 1
優售價：港幣$480 (原價:$580)
於 Unusual Malts 網上商店有售 https://bit.ly/2KzB3bt
#幫男友硬銷❤️ #埋黎睇埋黎揀啦喂 #我最後做唔做到闊太就靠呢鋪
Search